AYDC rəsmi dövlət qeydiyyatından keçdikdən (17 fevral, 2006) sonra Yaponiyada əlaqədar qurumlara proyektlər təqdim edərək qrantlar almaq üçün müraciət etmişdir. Belə müraciətlərdən biri 30 mart 2006-cı il tarixində Osaka əyalətinin Mino şəhər bələdiyyəsinə edilmişdir. Qrant istəyi ilə müracət edən təşkilatlar üçün Mino bələdiyyəsi 22 aprel tarixində təqdimat prezentasiyası təşkil etmişdir. 30-dan çox QHT-nin (NPO)  iştirak etdiyi bu prezentasiyada hər bir təşkilat təqdim etdiyi proyekt haqqında münsiflər heyətinə və şəhər sakinlərinə geniş məlumat vermişdir. Uğurlu hesab edilən proyektlərə qrantın verilməsi nəzərdə tutulurdu. Prezentasiyanın nəticəsi və münsiflər heyətinin son qərarı 28 aprel 2006-ci ildə açıqlanmışdır. Azərbaycan-Yaponiya Dostluq Cəmiyyətinin təqdim etdiyi "Qafqaz-Xəzər Salonu" adlı Azərbaycanı tanıtım proyekti bu qranta layiq görülmüşdür.
Proyektin təqdimatını və müdafiəsini AYDC sədri Rəhman Şahhüseynli etmişdir. Bu işdə AYDC-nin 2 yapon üzvü: Tomoaki Murakami və Ayumi Kishigami də fəal iştirak etmişdir. Xatırladaq ki, T.Murakami Dünya Azərbaycanlılarının II Qurultayında da iştirak etmişdir.
AYDC adından bu 2 fəal üzvə təşəkkürümüzü bildiririk. (Qeyd:  "Qafqaz-Xəzər Salonu" proyekti, qrant üçün müraciət sənədləri, prezentasiyaya təqdim olunan materiallar və Qrantın verilməsi haqqında bələdiyyənin qərari ilə "Rəsmi Sənədlər" səhifəsində tanış ola bilərsiniz). 
Prezentasiyadan şəkillər və qrant verilməsi haqqında bələdiyyənin qərarının surəti aşağıda:

Bizə yazın-Contact us-お問い合わせこちら