Azərbaycan-Yaponiya mail  qrupuna üzv olmaq üçün buraya daxil olun.

 
Home
Up

             

                    

              

       

ÇGeri   
   
25 noyabr 2006-cı il tarixində AYDC “Qafqaz-Xəzər Salonu” proqramının növbəti tədbirini “Azərbaycan Milli Musiqisi və Rəqsi” başlığı altında keçirdi. Milli rəqsimizi əks etdirən fotoşəkillərlə dizayn edilmiş plakatlar və broşürlər Osaka əyalətinin elan guşələrinə və eləcə də Yaponiyada fəaliyyət göstərn xeyli sayda beynəlxalq mərkəzlərə asılmışdı. Tədbir barəsində Yapon qəzetlərində və AYDC-nin veb saytında yapon və ingilis dillərində elanlar dərc olunmuşdu. Tədbir bütün Yaponiya ictimaiyyətinə açıq elan olunmuşdu.
    Tədbirin təşkilatçısı AYDC sədri, Osaka Universitetində gənc tədqiqatçı alim və “Qafqaz-Xəzər Salonu” layihəsinin müəllifi Rəhman Şahhüseynli idi. Layihə 2006-cı ilin aprel ayında Yaponiyada 30-a yaxin QHT-nin iştirak etdiyi qrant müsabiqəsinin qalibi olmuşdur. Hazırda alınan qrant vəsaiti ilə və eləcə də AYDC sədrinin şəxsi imkanları hesabına Azərbaycanı Yaponiyada geniş şəkildə təbliğ edən seminarlar və konfranslar həyata keçirilir, tədbirlər təşkil olunur.
     Seminar və konfarns uslubunda təşkil olunan əvvəliki programlardan fərqli olaraq bu dəfəki tədrib bayram əhval-ruhiyyəsi təsiri bağışlayırdı. Tədbirdə peşəkar rəqqas Ramil Cəfərov iştirak edirdi. Ramil bəy bir neçə il əvvəl qastrol səfərinə Yaponiyaya gəlmiş və burada məskunlaşmışdır.
    R. Şahhüseynli qısa nitq söyləyərək tədbiri açıq elan etdikdən sonra bir-birinin ardınca şən rəqs və mahnılar salonu coşdurdu. Təxminən 2 saata yaxın davam edən tədbirdə R. Cəfərov solo rəqslər numayiş etdirdi. Qrup rəqslərimzdən video materiallar göstərildi. Klassik musiqimiz və muğam səsləndirildikdən sonra, R. Şahhüseynli Azərbaycan xalqının dünya musiqisinə verdiyi töhfələrdən danışaraq dahi Üzeyir Hacıbəyovdan bəhs etdi. Tədbirdə iştirak edən yaponlar milli mədəniyyətimizə xususilə rəqs və musiqimizə olan heyranlıqlarını bildirdilər. Sonuncu rəqsi oynamaq üçün zaldakı bütün iştirakçılar rəqsə dəvət olundu. Yallı sədaları altında bütün iştirakçılar rəqs etdi.
    “Qafqaz-Xəzər Salonu”—Azərbaycanı təbliğat-tanıtma programının 4-cü mərhələsinin başa çatdığını elan edən AYDC sədri R. Şahhüseynli tədbirin sonunda qısa nitq söyləyərək iştirakçılara dərin təşəkkürünü bildirdi. Rəhman Şahhüseynli tədbir iştirakçılarını, Yaponiyada yaşayan cənublu-şimallı bütün həmvətənlərimizi və eləcə də bu ölkədə yaşayan Türkiyəli soydaşlarımızı Dünya Azərbaycanlılarının Həmrəyliyi Günü münasibəti ilə təşkil edəcəkləri bayram ziyafətinə dəvət etdi.
   Bu münasibətlə təşkil ediləcək tədbir 28 dekabr 2006 cı il tarixində Osaka şəhərində keçiriləcək. Daha geniş tərkibdə belə bir tədbirin təşkil olunmasında məqsəd Azərbaycan Respublikasının Prezidenti cənab İlham Əliyevin bu il Türkiyəyə səfəri zamanı irəli sürdüyü Türkiyə və Azərbaycan diasporlarının birgə fəaliyyəti barədə təklifinin reallaşması istiqamətində əməli iş görmək və eləcə də Yaponiyada yaşayan həmvətənlərimizin və soydaşlarımızın birliyinə nail olmaqdır.
ÇGeri
 (Tədbirdən şəkillər aşağıda)

Bizə yazın-Contact us-お問い合わせ はこちら