Azərbaycan-Yaponiya mail  qrupuna üzv olmaq üçün buraya daxil olun.

 
Home

             

                    

              

       


     AYDC Osaka/Mino şəhərində 29 oktyabr 2005-ci il tarixində keçirilən festivalda Azərbaycanı təmsil etmək üçün stend açmaq barəsində ərizə ilə Osaka/Mino şəhər bələdiyyəsinə müraciət etmiş və müraciət qəbul olunmuşdur. Bu festivalda ölkəmizin daha geniş miqyasda və hərtərəfli tanıdılması üçün 21 oktyabr tarixində AYDC bu barədə Azərbaycanın Yaponiyadakı səfirliyinə xəbər verərək yardım istəmişdir.  Qeyd edək ki, hələ də bu ölkədə milyonlarla yapon "Azərbaycan" sözünün "kim?", "nə?" və ya "hara?" ifadə etdiytini bilmirlər; Bu sözün onlar üçün nə ifadə etdiyini soruşduqda bunun bir  meyvə və yaxud tərəvəz növü olduğunu təxmin edirlər (mənbə: AYDC  mart 2005 rəy sorğusu, Osaka şəhəri, Yaponiya).

     Bu acınacaqlı vəziyyəti qismən də olsa dəyişdirməyi qarşısına məqsəd qoyan AYDC 29 oktyabr festivsalının verəcəyi fürsətdən istifadə edib Azərbaycanı Osakada tanıtdırmaq üçün olkəmizin Yaponiyadakı səfirliyinə yardım üçün müraciət etmişdir. AYDC bu tanıtım işi üçün maddi köməyə ehtiyacı olduğunu səfirliyə söyləmiş,  telefonla xahiş olunan məbləği  bildirmiş,və imkan daxilində yardım edilməsini xahiş etmişdir. Səfirlik tələb olunan məbləği göstərməklə rəsmi məktubla müraciət olunmasını istəmiş və AYDC 24 oktyabrda istənilən məktubu həm faks həm də poçtla səfirliyə çatdırmışdır. (Məktubun tam mətni burada:PDF faylı). Ediləcək maddi köməyin dəqiq və şəffaf şəkildə düzgün məqsədlə istifadə olunacağını əmin etmək üçün AYDC-nin qəbz nümunəsi də məktuba əlavə edilərək səfirliyə göndərilmişdir (qəbz burada:PDF faylı).

     Məktub göndərildiyi gündən (24 oktyabr, həftənin 1-ci günü) başlayaraq həmin həftənin son iş gününün  (28 oktyabr, həftənin 5-ci günü) son dəqiqisinə qədər (yəni festivalın başlanmasına 16 saat qalana qədər!!!) 10-15 dəfə AYDC sədri R. Şahhüseynli tərəfindən səfirliyə telefon edilərək yardım olunub olunmayacağı soruşulmuş, amma hər dəfəsində "Məktubunuza baxılır; Hələ ki bir cavab yoxdur.." və sairə kimi məsuliyyətsiz, qeyri-peşəkar və biganə münasibət göstərilmişdir.
En son anda (festivalın başlanmasına 16 saat qalmış)  səfirlikdən telefon edilərək "budcəmizdə pul yoxdur" cavabı verilmişdir.
      Yardım məsələsi ilə bağlı səfirliyin AYDC-dən  rəsmi məktub istəməsi, xahiş olunan köməkliyin məbləğinin bu məktubda bildirilməsini tələb etməsi festivala hazırlaşan azərbaycanlılarda səfirlik tərəfindən köməklik olunacağına böyük ümid yaratmışdı. Ancaq AYDC-nin müraciətindən 1 həftə keçməsinə baxmayaraq səfirliyin cavab verməməsi (və yaxud cavab vermək istəməməsi) festivala vaxtında (en azından maddi) hazırlıq görmək üçün vaxtımızı "əlimizdən almış" oldu və dolayısıyla Azərbaycanı tanıtma işinə əngəl oldu. Ən son anda yəni festivala 16 saat qalmış "YOX" cavabı verməsi ilə səfirlik əməkdaşları öz işlərini bitmiş hesab etdilər. Ən müqəddəs və təməl peşə borclarıni (Azərbaycanın xaricdə tanınması, təmsil olunması və onun vətəndaşlarına xidmət edilməsi) bu cür yerinə yetirdilər. "Büdcədə pul yoxdur"sa bu gün də yoxdur, 1 həftə əvvəl də! 1 həftə əvvəl nə qədər köməyə ehtiyac olduğunu deyəndə "yaz göndər" deyib 1 həftə sonra "pul yoxdur" demək ciddi bir təşkilata yaraşan terz deyil.
    Səfirlik son anda "pul yoxdur" deyib festivalda Azərbaycanın daha geniş və effektli tanıdılmasına kömək etməməklə yanaşı, AYDC-dən istədiyi yardım xahişi məktubuna vaxtında cavab verməməklə festivala hazırlığa və AYDC-nin və azərbaycanlıların öz imkanlarını vaxtında səfərbər etməsinə böyük əngəl oldu. Necə deyərlər: "əlimizdən tutmaqdansa, ayağımızdan dartdı!"

Bizə yazın-Contact us-お問い合わせ はこちら