5 İyul 2003-cü il tarixində AYDC və Gənc Xristian Qadınlar Assosiyası (Young  Women's Christian Association--YWCA) birgə seminar keçirdi. "Nihongo Saron" (Yaponca Salonu) adlı bu  ənənəvi seminar mütəmadi olaraq 2-3 ayda 1 dəfə YCWA-in təşəbbüsü ilə keçirilir və hər dəfəsində fərqli ölkələrdən nümayəndələr dəvət olunaraq öz ölkələri haqqında 2 saatlıq mühazirə oxuyub məlumat vermələri xahiş olunur. Bu dəfəki "Nihongo Saron"un qonağı AYDC sədri Rəhman Şahhüseynli, seminarın mövzusu isə "Hi no Kuni Azerubaijan" (Odlar Yurdu Azərbaycan) idi. Bu barədə YWCA-in internet səhifəsində məlumat yerləşdirilmişdir: http://www.nagoya-ywca.or.jp/iroiro/03jigyouhoukoku.pdf --faylın 7-ci səhifəsində).
     Seminara 10 gün qalmış Aichi əyalətinin qəzetlərində bu seminar haqqında elanlar dərc olundu. Elanlarda Azərbaycan "mezurashii kuni" (qeyri-adi, adı az eşidilən ölkə),  mühazırəçi R. Şahhüseynli isə "mezurashii kuni no hito" (qeyri-adi, az tanınan ölkənin insanı) kimi təqdim olunurdu.  Seminardan şəkillər:

    Seminara gələnlər arasında yaşlı yaponlar üstünlük təşkil edirdi. Göstərdikləri kömək və əməkdaşlığa görə YWCA-in təmsilçilərinə təşəkkür edən R. Şahhüseynli tam 1 saat yarım Azərbaycan haqqında ətraflı məlumat verdi, PowerPoint slaydları vasitəsitlə fotolar, video materiallar və böyük ekranda xəritələr və erməni təcavüzünü əks etdirən materiallar göstərərək Qarabağ müharibəsinin səbəb və nəticələrindən danışdı. Bu dəhşətli faktları ilk dəfə eşitdiklərini söyləyən seminar iştirakçıları erməni təcvüzunü pislədi və fürsət düşdükcə bu həqiqətlərin sadə yapon vətəndaşlarına çatdırılmasına çalışacaqlarıni söylədilər.
    Seminarda Azərbaycanın milli sənət və musiqi numunələri nümayiş etdirildi, gəzib görülməli yerləri, təbii sərvətləri, iqlimi və s. haqqında ətraflı nitq söyləndi. İştirakçıların bir-birindən maraqlı suallarıni cavablandıran R. Şahhüseynli, Suşa şəhərinin gözəl təbiəti və abidələrini əks etdirən  fotolara heyranlıqla baxan bir yapon qadınının sualına cavab verməkdə çətinlik çəkdi. Sualın qoyuluşu bele idi: Paytaxtdan  (Bakıdan) Şuşaya necə getmək olar? R. Şahhüseynli erməni işğalında olan Şuşaya paytaxt Bakıdan gedilməsinin mümkünsüzlüyünü çətinliklə izah etsə də mənəvi əzab çəkdi. R. Şahhüseynliyə görə bu sual sadəcə onun özünə yox, bütün azərbaycanlılara ünvanlanmışdır: Paytaxtdan Şuşaya necə getmək olar?
     Bu seminar və seminarın yadda qalan bu hissəsi Azərbycan mediasında da öz əksini tapmışdır. (Xalq Cəbhəsi qəzeti, 2003 İyul;  Milli Dövlətçilək qəzeti, 2003 Avqust; Azadinform Xəbər bülleteni, 2003 İyul; və sairə).

ÇGeriÇ

Bizə yazın-Contact us-お問い合わせこちら