Azərbaycan-Yaponiya mail  qrupuna üzv olmaq üçün buraya daxil olun.

 
Home
Up

             

                    

              

       


Azərbaycan-Yaponiya Dostluq Cəmiyyətininin "Azərbaycan və Yaponiya mədəniyyətləri" mövzusunda keçirdiyi tədbiri
: 11 Yanvar, 2003

      Təsis olunduqdan sonra qısa zamanda geniş fəaliyyətə başlayan Azərbaycan-Yaponiya Dostluq Cəmiyyətinin (AYDC) bir qrup üzvü Yanvarın 11-də Aichi əyalətinin Nagoya şəhərində (Nagoya Dome-da)"Azərbaycan və Yaponiya mədəniyyəti" mövzusunda tədbir keçirdi. Təbirdə 2 ayrı qruplar şəklində 21 Yapon ailəsi iştirak edirdi. Tədbiri giriş sözü ilə açan AYDC sədri Rəhman Şahhüseynli iştirakçılara Azərbaycan və Yaponiya mədəniyyətlərinin oxşar və fərqli cəhətlərindən qısaca bəhs etdi. Tədbirdə öncə Yapon mədəniyyət nümunələri, o cümlədən ORIGAMI (kagızdan müxtəlif cür əşya və fiqurlar düzəldilməsi), ŞODOU (kagiz üsərində fırça ilə heroqliflərlə iri hərflər yazılması) və Yapon mətbəxindən bəzi xörəklər (SUŞI, ONİGİRİ) nümayiş etdirildi, xüsusi "yaşıl çay mərasimi" göstərildi. Bununla yanaşı, Yaponiyanın folklorundan rəqslər edildi və mahnılar oxundu. Tədbirdən şəkilləri böyük ekranda görə bilmək üçün isə həmin şəklin üstünə basın:

     Azərbaycanın növbəsində isə tədbir daha maraqlı davam etdi. Azərbaycanın təmsilçisi kimi, AYDC sədri Rəhman Şahhüseynli ilk öncə Azərbaycanın dünya xəritəsində yerini axtarmadan birbaşa göstərə biləcək şəxsə Azərbaycan musiqi CD-sini hədiyyə edəcəyini söylədi. Tədbirdə (1-ci hissəsində) 30-a yaxın iştirakçı olduğuna baxmayaraq, onlardan sadəcə 2 nəfər bu "müsabiqədə" iştirak etmək üçün qabağa çıxdı—12 yaşlı Hiroyuki Yamada və 38 yaşlı Miçiko Nişigawa. H. Yamada Azərbaycanın xəritə üzrində yerini çox dəqiqliklə göstərərək, hətta Azərbaycan dilində "SALAM" ilə iştirakçiları salamlayaraq hədiyyənin qalibi oldu. Sonradan məlum oldu ki, hər kəsi heyrətə salan bu balaca, Rəhman Şahhüseynlinin Nagoya şəhərindəki orta məktəblərin birində Azərbaycan haqqında keçirdiyi tədbirdə iştirak etmiş və bunları o zaman öyrənibmiş. Bu xoş təsadüflə tədbir oz programına davam etdi.
Tədbirdən şəkilləri böyük ekranda görə bilmək üçün isə həmin şəklin üstünə basın:

     Növbə Azərbaycan musiqisinə gəldi. Azərbaycan musiqi nümunələri səsləndirildi. Tar və kaman haqqında iştirakçılara bilgi verildi. Musiqi tariximizdən, Üzeyir Hacıbəyov, Qara Qarayev kimi tanınmış bəstəkarlarımızdan, məşhur müğənnilərimizdən, o cümlədən Rəşid Behbudovdan və Zeynəb Xanlarovadan danışıldı. Maraqla izlənən bu "Musiqi bölümü"nün ən yaddda qalan hissəsi isə Azərbaycan körpələrinin çox sevdiyi "Cücələrim" mahnısının ifası oldu. Mahnının solo hissəsini Rəhman Şahhüseynli, xor hissəsini isə bütün iştirakçılar birlikdə ifa etdilər.

     Azərbaycanda körpələr və məktəblilər arasında səevilərək oynanılan "Bənövşə" oyunu da maraqla oynanıldı. Əvvəlcə oyunun qaydaları iştirakçəlara izah olundu. Daha sonra R. Şahhüseynlinin canlandırıcı ifadələri ilə körpələr və valideynlər həvəslə oyunu davam etdirdilər. Maraqlı olan bu idi ki, bu oyuna çox bənzəyən başqa bir oyun Yaponda körpələr arasında çox oynanılır. Hətta oyunun adı belə, Azərbaycanda "Bənövşə" çiçəyinin adı ilə əlaqədar oldğu kimi, bu ölkədə də yaponcada buna bənzər digər bir çiçək adı ilə bağlıdır. Bu oxşarlıq iştirakçılarda, "eyni soydan gəlmə" təəsüratını daha da gücləndirdi.
    
    
Tədbirin sonunda iştirakçılarla xatirə şəkilləri çəkdildi. İştirakçılar mənalı bir gün keçirdiklərini və Azərbaycan haqqında çox şey öyrəndiklərini söylədilər və bunun üçün təşəkkür etdilər. İştirakçılara dərin təşəkkürünü bildirən Rəhman Şahhüseynli yekun nitqi söylədi. Beləcə tədbir başa çatdı.  

ÇGeriÇ

Bizə yazın-Contact us-お問い合わせ はこちら