Azərbaycan-Yaponiya mail  qrupuna üzv olmaq üçün buraya daxil olun.

 
Home
Up

             

                    

              

       

     16 fevral 2006-ci il tarixdə Osaka/Mino şəhərinin Kita-Sho adli orta məktəbində AYDC Xocalı Soyqırımının 14-cü il dönümünə həsr olunmuş Azərbaycan haqqında tanıtım prezentasiyası vermişdir. Prezentsiyanın təşkilatçısı və eyni zamanda prezentasiya boyunca çıxış edən AYDC sədri Rəhman Şahhüseynli olmuşdur. R. Şahhüseynli 1 saat yarım vaxt ərzində Azərbaycan haqqında geniş məlumat verərək məktəblilər və iştirakçı müəllimlərdə ölkəmiz haqqında dərin təsəvvürlər və müsbət imicin formalaşmasına çalışmışdır.
     Prezentasiyaya giriş kimi Azərbaycanın tarixi, mədəniyyəti, həyat tərzi, insanları, iqtisadiyyatı və təbiəti haqqında 7-8 dəqiqəlik qısa video-film nümayiş etdirilmiş və filmin əsasında sual-cavab formatında qısa söhbət edilmişdir. Daha sonra Azərbaycanın ən qədim zamanlardan tutmuş hazırkı dövlət kimi formalaşmasına qədər olan dövrlər haqqında PowerPoint slaydları ilə dolğun məlumat verilmişdir. Son 15-20 illik tariximizdə baş verən hadisələrdən danışılmış, bu günlərdə 14 illiyi bütün dünya azərbaycanlıları tərəfindən böyük hüznlə yad edilən XOCALI SOYQIRIMIndan genış bəhs olunmuşdur. ŞƏHİDLƏR XİYABANInın fotoşəklini böyük ekranda göstərən R. Şahhüseynli, Azərbaycanın müstəqilliyi uğrunda canından keçən qəhrəman Vətən oğulları və qızlarının timsalında İLHAM və FƏRİZƏ barəsində danışmışdır. Prezentasiyadan 2 gün əvvəl (14 fevral 2006-cı il) yaponların əksəriyyətinin qeyd etdiyi VALENTINE (Sevgililər) gününün Azərbaycanda daha fərqli qeyd olunması qeyd olunmuş, və azərbaycanlılar üçün "Sevgililər Günü"nün  İlham və Fərizə haqqındakı əfsanələrlə bağlı olub başqa bir tarixdə qeyd olunduğundan danışılmışdır. Göstərilən fotoşəkil və bu iki qəhrəman şəhid haqqında danışılanlar şagirdlərin və iştirakçı müəllimlərin ən çox diqqətini çəkən mövzu olmuşdur.
      Çox saylı sualları cavablayan R. Şahhüseynli, sual-cavab zamanı fəallıq nümayiş etdriən şagirdlərə özünün hazırladığı fəxri-fərmanları və kiçik hədiyyələrini təqdim etmişdir. Prezentasiya əvvəldən axıra qədər video lentə alınmışdır, iştirakçılarla xatirə fotoşəkilləri çəkilmişdir.
(Prezentasiyadan şəkillər aşağıda)

ÇGeriÇ

Bizə yazın-Contact us-お問い合わせ はこちら